អូទ្រីសចរចាលក់យន្ដហោះចម្បាំងEurofighter Typhoon ចំនួន ១៥ គ្រឿងទៅឥណ្ឌូនេស៊ី
ប្រព័ន្ធផ្សព្វផ្សាយក្នុងស្រុកនៃប្រទេសអូទ្រីសបាននិយាយថារដ្ឋមន្រ្តីក្រសួងការពារជាតិអូទ្រីស Klaudia Tanner បានឆ្លើយតបជាផ្លូវការទៅនឹងសំណើរបស់ឥណ្ឌូនេស៊ីក្នុងការទិញយន្តហោះចម្បាំងម៉ាក Eurofighter Typhoon ចំនួន ១៥ គ្រឿង ។
លោកស្រី Tanner បាននិយាយថាលោកស្រីបានដឹកនាំបុគ្គលិកទូទៅឱ្យត្រៀមសម្រាប់ការចរចាជាមួយរដ្ឋាភិបាលនៃទីក្រុងហ្សាកាតាហើយ។
លោកស្រី បាននិយាយថាការលក់ចេញនូវយន្តហោះចម្បាំង Eurofighter Typhoon គឺជាគោលដៅដែលបានប្រកាសជាផ្លូវការហើយការលក់គឺស្ថិតនៅក្នុងចំណាប់អារម្មណ៍របស់ប្រទេសឥណ្ឌូនេស៊ី។ មានជម្រើសពីរសម្រាប់លក់ដើម្បីបន្ត ទីមួយ! សម្ព័ន្ធក្រុមហ៊ុន Eurofighter នឹងត្រូវចេញវិញ្ញាបនប័ត្រចុងក្រោយដល់ឥណ្ឌូណេស៊ី បន្ទាប់មកអូទ្រីសនឹងលក់យន្តហោះដោយផ្ទាល់ទៅឥណ្ឌូនេស៊ី។
ម៉្យាងវិញទៀតក្រុមហ៊ុន Eurofighter នឹងទិញយន្ដហោះត្រឡប់មកវិញ ដោយធ្វើការកែលម្អនិងបន្ទាន់សម័យកាល ហើយលក់ទៅឱ្យប្រទេសក្នុងតំបន់អាស៊ីអាគ្នេយ៍ណាមួយជំនួសវិញ។
Eurofighter Typhoon គឺជាយន្តហោះចម្បាំងបំពាក់ម៉ាស៊ីនភ្លោះដែលអាចប្រើប្រាស់បានច្រើនយ៉ាង ផលិតក្នុងឆ្នាំ១៩៩៤របស់ក្រុមហ៊ុនមានមូលដ្ឋានក្នុងតំបន់អឺរ៉ុប Eurofighter Jagdflugzeug GmbH ។ វាជាយន្តហោះចម្បាំងផ្លូវការរបស់កងទ័ពអាកាសអ៊ីតាលី អាល្លឺម៉ង់ និងអេស្ប៉ាញ ហើយមួយគ្រឿងមានតម្លៃ៩០លានអឺរ៉ូក្នុងមួយយូនីត៕
ព័ត៌មានថ្មីៗ
