ជ្រើសរើសកូនសោរមួយ ដើម្បីឆ្លុះបញ្ចាំងលក្ខណៈពិសេសស៊ីជម្រៅរបស់អ្នក

យើងទាំងអស់គ្នាសំគាល់អ្វី ៗ នៅជុំវិញខ្លួនយើងជាមួយនឹងរូបរាង សម្រស់ និងលក្ខណៈពិសេសដូចជាសត្វ រុក្ខជាតិ​ ឬសំភារៈផ្សេងដែលយើងប្រើប្រាស់។ ល។ អ្វីមួយដែលទាក់ទាញអារម្មណ៍របស់យើង ហើយយើងជ្រើសរើសវា នោះគឺទាក់ទងដោយផ្ទាល់ទៅនឹងផ្លូវអារម្មណ៍របស់យើង។ មានការស្រាវជ្រាវ ព្រមទាំងការធ្វើតេស្តជាច្រើនជាវិធីដ៏ល្អដើម្បីជួយស្វែងយល់អំពីអារម្មណ៍ បំណង បុគ្គលិកលក្ខណៈ និងស្ថានភាពរបស់មនុស្ស។

ខាងក្រោមនេះគឺជាកូនសោរចំនួន ៦ ដើម្បីតេស្តពីលក្ខណៈពិសេសស៊ីជម្រៅរបស់អ្នក ដោយគ្រាន់តែជ្រើសរើសយកកូនសោរមួយដែលចង់បានជាងគេ:

61D6Snm6nGL._SL1009_ 1

សោរ A

ប្រសិនបើអ្នកបានជ្រើសរើសយកកូនសោរ A: អ្នកគ្រប់គ្រងអារម្មណ៍ រួមទាំងភាពស្ងប់ស្ងាត់បានយ៉ាងល្អ។ អ្នកក៏ជាមនុស្សដែលមានដួងចិត្តកក់ក្តៅ និងធ្វើឱ្យមនុស្សនៅជុំវិញខ្លួនមានអារម្មណ៍សុខស្រួល និងកក់ក្តៅ។

ក្នុងនាមជាមនុស្សដែលមានវិន័យ និងច្បាប់ទម្លាប់ខ្ពស់ អ្នកក៏មានភាពរស់រវើកផងដែរ តែងតែយកចិត្តទុកដាក់ ចេះយោគយល់ និងអាណិតអាសូរចំពោះអ្នកដែលនៅជុំវិញខ្លួន។

ពេលខ្លះភាពប្រយ័ត្នប្រយែងពីធម្មជាតិប្រយ័ត្នប្រយែងរបស់អ្នក មិនអនុញ្ញាតឱ្យខ្លួនឯងដើរចេញ និងរីករាយនឹងជីវិតឡើយ។ ប៉ុន្តែនោះក៏មិនមានន័យថាអ្នកមិនមានភាពរីករាយចំពោះខ្លួនឯងដែរ។

សោរ B

ប្រសិនបើអ្នកបានជ្រើសរើសយកកូនសោរ B: អ្នកជាធម្មតាគឺមិនសូវមានទំនាក់ទំនងជាមួយមនុស្សច្រើនទេ លើសពីនេះ អ្នកក៏រឹតតែមិនដឹងពីអ្វីដែលខ្លួនឯងធ្វើ ឬមានចេតនានោះឡើយ។ អ្នកមានទំនោរខ្វល់ខ្វាយអំពីអនាគត ហើយក៏ជាមនុស្សដែលមិនចូលចិត្តវិធីចាស់កំរិល ទម្លាប់ចាស់ ឬមិនរងទុក្ខសោកសង្រេងពីការឈឺចាប់ដូចគ្នាម្តងហើយម្តងទៀតឡើយ។

អ្នកចាប់អារម្មណ៍ និងចង់រកឱ្យឃើញនូវអ្វីដែលពិភពលោកផ្តល់ជូន និងទទួលយកអ្នកដោយបើកចំហ និងអាកប្បកិរិយារំភើប។ ជាពិសេសចូលចិត្តការផ្សងព្រេងក្នុងព្រៃដោយតែម្នាក់ឯង ហើយមិនធ្វើតាមទម្លាប់ដែលមាននៅក្នុងខ្លួនទេ។

នៅពេលខ្លះអ្នកអាចមានអារម្មណ៍ថា ជីវិតរបស់អ្នកកាន់តែយ៉ាប់យ៉ឺន ដោយសារតែខ្វះវិន័យ ប៉ុន្តែការមើលឃើញទុកជាមុនជួយអ្នកឱ្យមានតុល្យភាពជីវិតតាមពេលវេលា។ លើសពីនេះទៅទៀត អ្នកក៏មានចិត្តមុតស្រួច និងការកែលម្អយ៉ាងឆាប់រហ័សដើម្បីធ្វើឱ្យមានតុល្យភាពជីវិតឆ្ពោះទៅរកជីវិតដ៏ប្រសើរ។

សោរ C

ប្រសិនបើអ្នកបានជ្រើសរើសយកកូនសោរ C: អ្នកមានបុគ្គលិកលក្ខណៈរឹងមាំ ពេលខ្លះអារម្មណ៍ និងពាក្យសំដីរបស់អ្នកអាចត្រូវបានបង្ហាញយ៉ាងពេញលេញដោយត្រឹមតែក្រឡេកមើល។


អ្នកមានបុគ្គលិកលក្ខណៈរួសរាយរាក់ទាក់ រីករាយ បើកទូលាយ និងមានអារម្មណ៍រំជើបរំជួល។ អ្នកគឺជាមនុស្សដែលស្រឡាញ់ខាងវិស័យសិល្បៈ ទោះបីពេលខ្លះអ្នកមិនមែនជាសិល្បករដ៏ដោយ។ អ្នកមិនខ្លាចក្នុងការបង្ហាញអារម្មណ៍របស់អ្នក ឬបង្ហាញពីភាពងាយរងគ្រោះរបស់អ្នកចំពោះអ្នកដទៃ។

ប៉ុន្តែពេលខ្លះអ្នកមានទំនោរទៅរកការស្រមើលស្រមៃផ្ទាល់ខ្លួន ហើយទុកឱ្យវាមានឥទ្ធិពលលើការសម្រេចចិត្តសំខាន់ៗជាច្រើន។ ហេតុដូច្នេះហើយមានមនុស្សមួយចំនួនមើលមកអ្នកថាជាមនុស្សមិនសមហេតុផល ប៉ុន្តែដួងចិត្តរបស់អ្នកមានភាពច្នៃប្រតិដ្ឋ និងមានមន្តស្នេហ៍ ហើយមនុស្សដែលឃើញថាភាពទាក់ទាញខាងរបស់អ្នក គេនឹងមិនចង់ចាកចេញពីអ្នកឡើយ។

សោរ D

ប្រសិនបើអ្នកបានជ្រើសរើសយកកូនសោរ D: អ្នកជាធម្មតាត្រូវបានគេសង្កេតឃើញថាជាមនុស្សរហ័សស៊ីជម្រៅ និងវែងឆ្ងាយ។ អ្នកមិនត្រឹមតែមើលទៅអាថ៌កំបាំងប៉ុណ្ណោះទេ ប៉ុន្តែថែមទាំងពូកែសង្កេតមើលអ្វីៗទាំងអស់​ ហើយមិនងាយនឹងប្រាប់អ្នកណាពីអ្វីដែលអ្នកបានសង្កេតមើលដឹងនូវព័ត៌មានលម្អិតសំខាន់ៗឡើយ។

ទោះជាយ៉ាងណាក៏ដោយអ្នកនឹងបានជួបស្នេហាពិតនៅពេលនរណាម្នាក់ឆ្លងកាត់អាថ៌កំបាំងដ៏ជ្រាលជ្រៅរបស់អ្នក ហើយធ្វើឱ្យអ្នកធ្លាក់ក្នុងអន្លង់ស្នេហ៍។

សោរ E

ប្រសិនបើអ្នកបានជ្រើសរើសយកកូនសោរ ​E: អ្នករស់នៅដោយប្រុងប្រយ័ត្ន ខ្លាចការប្រឈមមុខ និងមិនងាយបង្ហាញអារម្មណ៍ទៅខាងក្រៅឡើយ។ អ្នកជាមនុស្សហ្មតចត់ទោះបីជារឿងតូចតាចដ៏ដោយ ហើយព្យាយាមធ្វើអ្វីៗគ្រប់យ៉ាងឱ្យល្អឥតខ្ចោះដោយប្រើថាមពលផ្ទាល់ខ្លួន។

អ្នកដឹងពីរបៀបដោះស្រាយបានគ្រប់ស្ថានភាពស្មុគស្មាញ មិនត្រឹមតែប៉ុណ្ណឹងទេ ថែមទាំងអាចជាអ្នកណែនាំដល់មនុស្សជាច្រើននៅពេលពួកគេជួបប្រទះបញ្ហា។ អ្នកបង្ហាញផ្លូវពីបញ្ហាដែលពួកគេកំពុងប្រឈម និងវិធីដោះស្រាយបញ្ហា។

ពេលខ្លះអ្នកជាមនុស្សទន់ភ្លន់ ប៉ុន្តែមនុស្សមិនអាចមើលឃើញអារម្មណ៍នៅពីក្រោយពិតរបស់អ្នកបានទេ។ អ្នកពូកែលាក់អារម្មណ៍ ដើម្បីប្រាកដថាមិនធ្វើឱ្យខូចផែនការអនាគតរបស់អ្នក។

សោរ F

ប្រសិនបើអ្នកបានជ្រើសរើសយកកូនសោរ ​F: អ្នកមានចរិតរឹងមាំ និងមានបុគ្គលិកលក្ខណៈច្បាស់លាស់តាំងពីក្មេងមកម៉្លេះ។ នៅក្នុងឆាកជីវិតប្រហែលជាផ្តល់ឱ្យអ្នកនូវការភ្ញាក់ផ្អើល និងការលំបាកជាច្រើន ប៉ុន្តែអ្នកបានរៀនពីវិធីដោះស្រាយវាបានយ៉ាងរលូន។ វាមានសារៈសំខាន់ណាស់សម្រាប់អ្នកដើម្បីទទួលបានជោគជ័យនៅក្នុងសង្គម និងភាពច្នៃប្រឌិត ដូច្នេះអ្នកគួរតែជ្រើសរើសការងារជាអ្នករចនា និងការប្រាស្រ័យទាក់ទងគ្នានៅក្នុងសង្គម៕

ប្រែសម្រួល៖ ក្នុងស្រុក