ថ្ងៃនេះ រកឃើញវិជ្ជមានជំងឺ Covid-១៩ ចំនួន១នាក់បន្ថែម

ក្រសួងសុខាភិបាលកម្ពុជា បានចេញសេចក្ដីប្រកាសនៅព្រឹកថ្ងៃទី ០៨ តុលា ឆ្នាំ២០២០ អំពីលទ្ធផលធ្វើតេស្តរកវិជ្ជមានជំងឺ Covid-១៩ ជាលទ្ធផលសម្រាប់ថ្ងៃទី ០៧​ តុលា ២០២០ គឺរកឃើញវិជ្ជមានចំនួន១នាក់បន្ថែម និងមិនមានអ្នកជាសះស្បើយឡើយ។

គួរបញ្ជាក់ផងដែរថា ១ករណីថ្មីនេះគឺកើតទៅលើ បុរសជនជាតិឥណ្ឌូនេស៊ី អាយុ២៦ឆ្នាំ មានអាសយដ្ឋានស្នាក់នៅសណ្ឋាគារមួយនៅក្រុងព្រះសីហនុ ជាអ្នកដំណើរមកពីប្រទេសឥណ្ឌូនេស៊ី បានបន្តជើងហោះហើរនៅប្រទេសសាំងហ្គារពួរ និងបានមកដល់កម្ពុជានៅថ្ងៃទី ០៦ តុលា ២០២០។ បច្ចុប្បន្ន​ បុរសជនជាតិឥណ្ឌូនេស៊ីនោះ កំពុងដាក់ឱ្យសម្រាកព្យាបាលនៅមន្ទីរពេទ្យមិត្តភាព ខ្មែរ - សូវៀត។

សរុបអ្នកឆ្លងCovid-១៩ទាំងអស់នៅកម្ពុជាគឺមានចំនួន ២៨១នាក់ (ស្រី ៥៦ នាក់ ប្រុស ២២៥នាក់) និងចំនួនអ្នកព្យាបាលជាសះស្បើយមានចំនួន ២៧៦នាក់៕


120891086_3423256431046772_8331403780480185093_n

120893251_3423256471046768_5701174935831643459_n (1)