ថ្ងៃទី០៤​ ខែតុលា​ ឆ្នាំ២០២០​ មានករណីវិជ្ជមានវីរុសកូវីដ-១៩​ ថ្មី​ ចំនួន​ ០២នាក់​ និងមិនមានករណីជាសះស្បេីយ

ក្រសួងសុខាភិបាលកម្ពុជា បានចេញសេចក្ដីប្រកាសអំពីលទ្ធផលធ្វើតេស្តរកវិជ្ជមានជំងឺ Covid-១៩ ជាលទ្ធផលនៅថ្ងៃទី ០៤ តុលា ២០២០ គឺមានករណីវិជ្ជមានចំនួន ២ករណី និងមិនមានអ្នកជាសះស្បើយឡើយ។

ករណីវិជ្ជមាន២ករណីរួមមាន ៖

- បុរសជនជាតិបារាំង អាយុ ២៧ឆ្នាំ អាសយដ្ឋានស្នាក់នៅភូមិវត្តដំណាក់ សង្កាត់សាលាកំរើក ក្រុងសៀមរាប ខេត្តសៀមរាប។​ ជាអ្នកដំណើរមកពីប្រទេសបារាំង ឆ្លងកាត់សាំងហ្កាពួរ មកដល់កម្ពុជាថ្ងៃទី ២០ កញ្ញា ២០២០ បានសម្រាកធ្វើតេស្តលើកទី១នៅក្រុងភ្នំពេញ។ បន្ទាប់មកបានចាកចេញពីភ្នំពេញ នៅថ្ងៃទី២២ កញ្ញា ២០២០។

- ស្ត្រីទី២ ជាជនជាតិឥណ្ឌា អាយុ ៣៤ឆ្នាំ អាសយដ្ឋាន ស្នាក់នៅសណ្ឋាគារមួយកន្លែងនៅរាជធានីភ្នំពេញ ជាអ្នកដំណើរមកពីប្រទេសឥណ្ឌា ​(ទីក្រុងដេលី) តាមជើងហោះហើរមកដល់កម្ពុជា នៅថ្ងៃទី ២០ កញ្ញា ២០២០។


គួរបញ្ជាក់ផងដែរថា បច្ចុប្បន្ន អ្នកទាំងពីរកំពុងដាក់សម្រាកព្យាបាល ម្នាក់នៅបន្ទីរពេទ្យបង្អែកខេត្តសៀមរាប និងម្នាក់ទៀតនៅមន្ទីរពេទ្យមិត្តភាព ខ្មែរ-សូវៀត៕

ខ្លឹមសារបន្ថែមមាននៅខាងក្រោម ៖

120857427_3413750131997402_5718171265204677540_n

120809783_3413750161997399_1332513450523223107_n