បើមិត្តភក្តិដែលអ្នកកំពុងតែរាប់អាន មានចេញសញ្ញាទាំង៣នេះ អ្នកគួរតែឆាប់ដកខ្លួនចេញ កុំរាប់អានបន្តទៀតអី

គេថា រាប់អានមិត្តកុំគិតតែពីផលប្រយោជន៍ តែមិត្តខ្លះអត់ប្រយោជន៍ហើយ នាំតែបញ្ហាសាងគ្រោះឱ្យយើងទៀត ក៏មិនដឹងថា នៅបន្តរាប់អានដើម្បីអ្វីនោះដែរ។ ដូច្នេះ ៣ចំណុចខាងក្រោមនេះ ប្រសិនបើមិត្តដែលអ្នកកំពុងតែរាប់អាន មានលេចចេញសញ្ញាទាំង៣នេះហើយ អ្នកក៏មិនគួរបន្តទំនាក់ទំនងទៀតដែរ បញ្ឈប់ឱ្យហើយ ក៏ជាការល្អ។

១. ខ្ចីលុយមិនដែលសង

636193483866927010 401015151_bigstock Fake Mask 52137169

មិត្តមួយប្រភេទដែល តែងតែខ្ចីលុយមិនដែលសង និយាយថាខ្ចី តែមិនដែលនឹកនា ដឹងថាជំពាក់យើងទេ ចូលចិត្តតែធ្វើមិនដឹងមិនឮ មនុស្សប្រភេទនេះ រាប់អានកាន់តែយូរ កាន់តែខាតតែប៉ុណ្ណោះ។ បន្ថែមពីនេះ មនុស្សបែបហ្នឹង មិនខ្វល់ ក៏មិនគិតពីរឿងកិត្តិយសអ្វីនោះដែរ។ ផ្ទុយទៅវិញប្រភេទមនុស្សដែលមានភាពលោភលន់គ្មានទីបញ្ចប់ ហើយពួកគេក៏នៅតែមានចរិតបែបនេះ ខ្ចីបាត់ៗ ព្រោះជាចរិត ជាទម្លាប់អារក្រក់របស់គេទៅហើយ។

មនុស្សដែលមិនរក្សាការទុកចិត្តក៏មិនល្អទាល់តែសោះ។ ពួកគេមិនដឹងគុណ និងទទួលយកជំនួយពីមិត្តភក្តិរបស់ពួកគេ។ លុយមិនអាចទិញមិត្តភាពល្អបានទេ ប៉ុន្តែលុយអាចបំផ្លាញមិត្តភាពល្អៗបានយ៉ាងងាយ។ ប្រសិនបើអ្នកជួបមនុស្សប្រភេទនេះអ្នកត្រូវប្រុងប្រយ័ត្នឱ្យបានខ្ពស់ យកល្អ គួរតែចៀសឱ្យឆា្ងយពីពួកគេ។

២. តែងតែទម្លាក់កំហុសលើអ្នក គ្មានភាពទទួលខុសត្រូវ

164 1588734917141689116924 Crop 15887349305481006661558 0712


មានមនុស្សដែលមានភាពងាយស្រួលមិនថានៅក្នុងជីវិត ឬនៅកន្លែងធ្វើការទេ។ នៅពេលមានជម្លោះកើតឡើង អ្នកដែលរងគ្រោះគឺជាអ្នក។ សេចក្តីសប្បុរសរបស់មនុស្សម្នាក់ គឺសំខាន់ណាស់ ប៉ុន្តែនៅពេលដែលងាយស្រួលពេក វានឹងត្រូវបានរំលោភដោយអ្នកដទៃ។

ហេតុដូច្នេះហើយ នៅពេលប្រឈមមុខនឹងអ្នកដែលចូលចិត្តរុញច្រានការទទួលខុសត្រូវលើអ្នកដទៃ ចូលចិត្តយកភ្លើងមកដុតអ្នកដទៃ អ្នកគប្បីតែចៀសឱ្យឆ្ងាយពីពួកគេ។ រក្សាចម្ងាយរបស់អ្នក ដូច្នេះអ្នកនឹងមិនត្រូវបានទាញយកប្រយោជន៍ឡើយ ទោះបីជាអ្នកត្រូវការក៏ដោយ ត្រូវនៅឱ្យឆ្ងាយពីពួកគេដែរ។

៣. កុហកបោកប្រាស់អ្នកម្ដងហើយម្ដងទៀត

600f03614ff 3463 4df4 Bace Ad86adabf509 1585892801885628235134 Crop 1585892807403147188144 0712

នៅក្នុងជីវិតនេះ មនុស្សដែលបញ្ឆោតអ្នកគឺជាមនុស្សជិតស្និទ្ធបំផុត មិនមានមនុស្សចម្លែក ឬអ្នកឆ្ងាយមកពីណា អាចបោកប្រាស់អ្នកបានងាយៗនោះឡើយ។ ដោយសារតែការប្រុងប្រយ័ត្នរបស់យើងចំពោះមនុស្សចម្លែក យើងតែងតែមានភាពរឹងមាំ មានការប្រុងប្រយ័ត្ន តែយើងបែរជាភ្លេចការពារខ្លួនពីមនុស្សដែលជិតស្និទ្ធនឹងយើងបំផុតទៅវិញ។

មានមនុស្សជាច្រើនដែលជាមិត្តភក្តិ តែគ្រាន់តែបំភ័ន្តអ្នកម្តងហើយម្តងទៀត។ ការវិនិយោគដោយងងឹតងងុលគឺប្រាកដថានឹងត្រូវបំផ្លាញភ្លាមៗ។ ការសេពគប់មនុស្សមានចិត្តមិនត្រង់ គឺជារឿងគ្រោះថ្នាក់បំផុត ព្រោះគេនឹងបង្កគ្រោះថា្នក់ ឬបំផ្លាញអ្នកជាក់ជាមិនខាន៕

ប្រភព ៖ phunutoday.vn / ប្រែសម្រួល ៖ ភី អេក (ក្នុងស្រុក)